Plantun de Prouvènço

Pèr coumpara dos planto d'encò nostre

Schoenus ferrugineus & Amaranthus viridis

Schoenus ferrugineus

Cyperaceae

Nom en français : Choin ferrugineux.

Descripcioun :
La bauco-fino-ferrouso trachis dins li bas-palun de mountagno. Lis enflourejado soun aloungado un cop maduro e facho de 1 à 3 espigo. Mai bas se trovo la bauco-fino qu'es uno planto pu grosso e pu grando e coumuno.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Schoenus
Famiho : Cyperaceae

Ordre : Poales

Coulour de la flour : Negro
Petalo : ges
Ø (o loungour) enflourejado : 1,5 à 2 cm
Flourido : Printèms - Estiéu

Sòu : Ca
Autour basso e auto : 400 à 2200 m
Aparado : Noun
Mai à avoust

Liò : Bas-palun - Tourbièro
Estànci : Mountagnard à Subaupen
Couroulougi : Éuropenco
Ref. sc. : Schoenus ferrugineus L., 1753

Amaranto(-verdo)

Amaranthus viridis

Amaranthaceae

Nom en français : Amarante verte.

Descripcioun :
L'amaranto-verdo coumenço à planta caviho au nostre desempièi gaire de tèms. Èi bèn verdo, emai dins l'enflourejado que douno pas d'èr espinous. A ges o quàsi ges de péu. Li fueio ajudon peréu à la recounèisse emé dous aurihoun au bout coume lou blet. Li fru soun proun berrugous (fotò).

Usanço :
Coume lis àutris amaranto, l'amaranto-verdo se manjo cruso en ensalado vo cue coume d'espinarc (pas trop n'en manja pamens pèr l'acide óussali e li nitrate). Li grano se manjon cruso, grasihado o boulido (15 mn) coume voulès. Es uno planto vertuouso contro l'inflamacioun, sarro li car, ajudo à caga e tuo li vèrme dóu quiéu.

Port : Erbo
Taio : 20 à 80 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Amaranthus
Famiho : Amaranthaceae

Ordre : Caryophyllales

Coulour de la flour : Verdo
Petalo : 3
Ø (o loungour) enflourejado : 8 à 10 cm
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Juliet à óutoubre

Liò : Ermas - Champ - Escoumbre e proche dis oustau
Estànci : Termoumediterran à Mesoumediterran
Couroulougi : Óurigino Americano-Sud
Ref. sc. : Amaranthus viridis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

RRR

ges

Schoenus ferrugineus & Amaranthus viridis

ges

Coumpara Bauco-fino(-ferrouso) emé uno autro planto

Coumpara Amaranto(-verdo) emé uno autro planto